ثرنا! مين كان بيقول رح يجي هالنهار. اللبنانيين بالشوارع من 8 إيام وجماعة السلطة بعدن مش مستوعبين شو عم بيصير. ولا نحنا للحقيقة. طلعوا يحكونا، إنه عطونا فرصة تانية وعن جد هالمرة رح نكون غير، بس ما حدا بقى مصدق. وبما إنه عم يوعدونا كتير هالكم يوم وعم بيحاولوا يخبرونا قديه هني لطيفين، حبيت أعمل مقارنة بين خطاباتن ووعودن هلق وقبل. ومع إنه الجو جو ثورة، بعدني مجبورة بـ500 كلمة.
24/ 2019/10: الرئيس عون: «طموحي الكبير كان أن نتخلص من الذهنية الطائفية التي حكمت البلد».
17/ 3/ 2017: «حقوق المسيحيّين ستعود كما نص عليها الدستور».
24 /10/2019: أعلن الرئيس عون إلتزامه بـ«اقرار قوانين مكافحة الفساد، لكن هذه صلاحية مجلس النواب وأنا أطلب مساعدتكم لإقرارها».
26 /07/ 2019: أعاد الرئيس عون إلى مجلس النواب القانون الرامي إلى مكافحة الفساد في القطاع العام وإنشاء الهيئة الوطنية لمكافحة الفساد، وذلك لإعادة النظر فيه.
21/ 10/ 2019: الحريري: «سنأتي بمستشار اقتصادي لدرس اتجاهات الخصخصة ويقدّم لنا خيارات عدّة».
22/ 01/ 2018: «وقّع وزير الاقتصاد والتجارة، رائد خوري عقداً مع شركة «ماكنزي» بقيمة مليون و300 ألف دولار أميركي، لإعداد خطة اقتصادية للدولة». 2010: شركة «بوز أند كومباني» أعدتّ خطّة اقتصادية لصالح الحكومة اللبنانيّة، لم يتم استخدامها.
21/ 10/ 2019: الحريري: «إقرار مشروع قانون العفو العام قبل آخر السنة الحالية».
18/ 12/ 2017: الحريري: «قانون العفو العام جدي جدا وسيُنجز بإذن الله».
21/ 10/ 2019: الحريري: مليار إضافيّة لدعم برنامج الأسر الأكثر فقرًا
25/ 5/ 2019: أكد وزير الشؤون الاجتماعية أن وزارته طالبت بثلاثة مليارات ليرة لبرنامج دعم الأسر الأكثر فقراً، ولكن الحريري رفض منحه المبلغ.
23/ 10/ 2019: نائب حزب الله، حسن فضل الله: «نرفض قطع الطرقات على الناس».
23/ 1/ 2007: عضو المكتب السياسي لحزب الله حسن عز الدين: «إن إغلاق بعض الطرق هو تعبير عن الغضب وطرقات البلاد لم تغلق بالكامل».
22/ 10/ 2019: جنبلاط: «لن أترك الحكومة في الوقت الحالي».
18/ 10/ 2019: جنبلاط: «أقول للحريري كفّي وأنا بطلع من الحكم».
20/ 10/ 2019: سمير جعجع: «كان كتير بيهمنا إنه هيدا العهد يكون أحسن عهد بلبنان مش متل ما عاد طلعت القضية».
1/ 8/ 2019: جعجع: «لهذا العهد نجاحاته بإعادة التوازن للدولة وهذه المرة الأولى التي نرى فيها جميع المؤسسات الدستورية ذات قيمة».
«ببيروت وبطرابلس كلنا بعدنا عالطريق كرمال صور».
«ليه الناس بدها تنزل عالشغل؟ ما الشيخ سعد قلنا تظاهروا ونحنا عم نسمع الكلمة»
«بدكن تجيبولنا رقاصة. ليه عنا فيش رقاصة بالنبطيه؟»
«مش مطمن، مش مبسوط، تعبانة نفسيتي. من مبارح عم فتش ع عمتي دلال ومش عم لاقيها».
مجموعة أقوال مأثورة من الثورة.
مجموعة من الفنانين فاتوا ع تلفزيون لبنان احتجاجا على عدم تغطية القناة للمظاهرات.
وكانت أول وآخر مرة بيحكوا عن الثورة عالـ TL.
إليسا وهيفا قايدين الثورة ع «تويتر»
وما منقبل بأقل من حفلة بتجمعن سوا بس تستقيل الحكومة.
نادين نجيم شاركت بمظاهرات الويك أند
وقرفتنا إنه علقت بالعجقة لتوصل.
والسوبرستار راغب علامة نزل عالساحة
هو إنت معانا أو مع التانيين؟
